Soos lank gelede in een van my vorige “posts” het ek verwys na die tydperk van 1996 waar ek op hierdie area afgekom het. En na die uiteindelike verhuising vanuit Jozi hierheen. Dit was nie ‘n gebied wat onder normale omstandighede sin gemaak het nie want dit was nie een van die “in” areas nie. Daai tyd het vriende gepraat van Knysna, Hermanus en George as DIE areas. Noodwendig het ons na daardie gebiede ook gaan kyk en ek WOU hê dat die George area MOES werk. Maar dit het net nie “gepraat” met my nie.
So het ek dan nou meer as een keer per jaar terug gekeer na die Laer Suidkus en op die ou end het ons daar gaan bly in 2003. Toe was huise nog BAIE goedkoper as meeste ander plekke by die see en kon ons ‘n plek met die allerbeste uitsig oor die rivier, gholfbaan en see maklik bekostig. Intussen het eiendomme vir driedubbel soos meeste plekke in die land.
Die area is ruig. BAIE ruig en standplase is meestal ‘n halwe akker of meer. En lugfotos wys meestal net bome, maar ELKE standplaas het wel ‘n huis op.
Daar is ‘n snelweg wat hardloop vanaf Durban tot onder by Southbroom en die ou hoofpad tot by Port Edward. Wanneer mens van een dorpie na die ander ry het mens die keuse om OF die snelweg te gebruik OF Marine Drive (ou pad). Elke dorpie (almal lê knus langs mekaar) het sy eie winkel sentrumpie asook sy eie poskantoor. Dit maak die lewe baie makliker vir noodsaaklike dienste.
Wat my opgeval het destyds was die feit dat plaaslike regeringsdienste verreweg beter was as DIE van Jozi. En dat die mense soveel “reiner” geleef het. En dat hul meer simplistiese uitkyk op die lewe verfrissend was.
Die gebied lê langs die Indiese Oseaan waar mens somer en winter kan swem. Die branders maak dit ‘n lushof vir diegene wat hou van “surfing” in enige vorm denkbaar en meeste mense is op een of ander manier betrokke by die see. Daar is selfs diegene wat daagliks uitgaan om vars vis te gaan vang vir hul eie tafels en ook om te verkoop.
Geriewe:
‘n Menigdom van klein familie restaurante en OF eetplekkies. Baie klein outydse watergatjies waar die plaaslike mense vergader.
Twee groot winkelsentrums waar mens alles kry wat mens nodig het plus jou gewone restaurante en Fliek teaters.
Biblioteke, BAIE goed toegerus (van die beste in die land) – KZN is bekend vir opvoedkundige beginsels – spruit nog van die koloniale era.
Skole:
Jou normale laerskole en primary schools en ‘n baie goeie hoërskool wat onder Afrika se top 100 skole val. Hul kry nogsteeds uitstekende matriek resultate. En die kinders is meestal ontspanne en bring baie tyd saam deur na skool. Dan is daar ‘n privaatskool (kyk uit oor die see) wat van graad 00 tot matriek is. Hulle resultate is ook baie goed.
Kerke:
Die gewone Moederkerke asook Churches maar my gunsteling is ‘n ou kerk wat in die laat 1880’s gebou was deur die “Norwegian Settlers” Dis waar baie van die mense God leer ken het vir die eerste keer. Daar is ‘n baie sterk teenwoordigheid van Hom daar.
Hospitale:
Twee privaat hospitale, waarvan een ‘n Netcare produk is plus die normale provinsiale hospitaal. Daar is ‘n oorvloed van dokters en tandartse. Baie spesialiste doen weeklikse of twee-weeklikse besoeke in die area vanuit Durban.
Wat om te doen in jou spaartyd:
Die area tussen die Umzimkulu rivier en die dorp, Umtentweni, word na verwys as die Sandspit. Hier vang die manne (en vroue) vis. Binne die Shad seisoen is daardie are VOL vistermanne. Hoekom Sandspit? Want met baie reën raak die mond vol sand en moet dan uiteraard weer oopgemaak word anders is die gholfbaan en Klubhuis onder water.
Gholf en nogmaals gholf. Daar is ‘n totaal van sewe gholfbane tussen Scottburgh en Southbroom waarvan Southbroom s’n van die mooiste is in die land.
The extreme Five: Waar jy by die Oribi Gorge kan spring, white-river rafting, ens ens. Daar is mos BAIE water en BAIE riviere.
Lake Eland is ‘n privaat “Game Reserve” met blyplek en ‘n swaaibrug en uitkykpunt oor die Gorge. Die Umzimkulu rivier strek vanaf die Drakensberge tot by die see.
Sportvelde
En see bedrywighede. Alle vorms denkbaar. Mens kan ‘n boot huur wanneer dit die Sardientjie seisoen is en agter die walvisse en dolfyne aanry. Hierdie is ‘n spektakel van formaat want DIS wanneer die seevoëls in hul derduisende afduik in die water om te verorber totdat hulle moet rus op die water. Hierdie “Sardine -run” is ‘n baie groot gebeurtenis, maar dis die area nie elke jaar beskore nie.
Huispryse
Huise is nogsteeds goedkoper as in meeste ander plekke langs ‘n kuslyn en daar is redelike goeie waarde vir geld. Daar is ‘n groot verskeidenheid van verskillende tipe huisvestings. Property 24 is ‘n goeie plek om te gaan kyk.
Besigheidsgeleenthede:
BAIE! Ek kan nogsteeds nie verstaan hoekom “Call Centres” nie daar opgerig word nie. Want die plaaslike mense werk vir minder en grond is goedkoper.
Maar daar is wel ‘n waarskuwing soos volg: How to make a small fortune on the South Coast? Come down with a big one! Want baie vakansiegangers binne seisoen, ervaar die buzz van Margate en Uvongo en besluit summier om in OF ‘n restaurantjie OF ‘n drankwinkel te belê en besef nie hierdie tipe besighede is seisoenaal nie.
Dit is ook die hoofkantoor van “The Holiday Club” vir goeie rede.
En uiteraard boerdery bedrywighede. Meestal groei die ouer (meestal derde generasie) boere suikerriet. Maar die gesegde lui mos: If you want a broom, plant a broomstick. Dit is ‘n wonderlike plek om sub-tropiese plante te kweek vir uitvoer doel-eindes.
Algemeen:
Port Shepstone is ouer as Johannesburg. Dit het begin met die ontginning van Luim wat vandag nog gedoen word as deel van sementprodukte. Die weer is op sy beste tydens Julie skool vakansies omrede humiditeit erg is vir omstreeks 4 maande van die jaar tussen Desember en April. Tog kom meeste vakansiegangers juis in daardie periode om die strand van Margate te geniet. Die Umzimkulu rivier was destyds die grens van die Ou Natalia en die gebied tussen die Umzimkulu en Umtumvana rivier (skeiding tussen KZN en die eertydse Transkei was bekend as “No-mans Land” waarheen kriminele normaalweg gevlug het en weggesteek het van die Britse Polisie. Die Umzimkulu se mond was gebruik as ‘n hawe in die laat 1880’s vir die vervoer van luim na Durban. Maar agv die see se onderstrominge en vele skeepwrakke is dit stopgesit en is daar later aan die noordekant van die rivier ‘n treindienste ingestel.
Die mense is ‘n goeie verskeidenheid en verteenwoordig: Afrikaners, Engels-sprekendes, Zoeloes (meestal Pondos) Hindus en Muslims (ek het altyd gegrap dat ons veilig is teen ‘n aanslag van die fanatiese Muslims want soveel van hul eie mense (uitstekende besigheidmense) bly daar.
Ja, lieflike Paradys – jy het diep in my hart gekruip. Is nogsteeds daar en sal ALTYD deel van my bly.
