Sammi soek nie meer nie!

Wie/Wat is ons?

Sammi — Fri, 06 Nov 2009 08:45:32 +0000

Glo julle elke mens op aarde het sy eie “blueprint” ?

Dat elkeen netso uniek van mekaar verskil soos die duimdruk?

Dat elkeen geskep is vir ‘n spesifieke doel en rede?

Dat elkeen sy eie lewensroeping het, sonder om daarby uit te kom?

En dat daar wel mense is wat hierdie verstaan – en wel hul lewensroeping navolg

Glo julle is ons sommer maar net hier, om doelloos te vat en gryp?

Om net te bestaan, dag na dag?

Ek is besig om iets weer deur te werk wat ek jare gelede mee begin het, en indien julle belangstel, sal ek deel soos ek leer. Dit gaan oor ons eie unieke lyne, merke ens op ons hande, vingers en palms.

Die reis saam met my deurmaak?

Tot volgende week – ek loop die naweek bietjie weg!

Tata

Moontlikhede

Sammi — Thu, 05 Nov 2009 04:42:16 +0000

Ek antwoord julle sommer hier. Baie dankie vir jul bydraes en insigte. Ja, selfs julle wat wil spot dryf met die twee volksmoeders/tannies/voortrekkers/oumas! Soveel benoeminge, mens kannie byhou nie. Ek gaan nie name noem nie – hierdie is immers ‘n openbare forum MAAR wees flippen bly ons is nie naby julle nie want ons sal jul nogge ding of twee wys…hmmm…ja.

Wat meeste van julle sê is dat mens ‘n passie of aanleg moet hê vir ‘n beroepskeuse. Ek hou van Girl wat vertel dat mens wel die mark ook in ag moet neem, maw aanpassings wat gemaak moet word deur die huidige ekonomie in gedagte te hou.

Wat met Aanpasbaarheid2 uitgekom het, was die voor die hand liggende feit dat om aanvaar te word by ‘n SA Universiteit in OF Medies OF Ingenieurswese en so iets dergeliks; kandidate baie, baie goeie punte moet behaal. Maar dis nogsteeds moontlik. Indien mens wel medies wil gaan “swot” is die kanse goed om by een van die agt mediese skole aanvaar te word. Mens moet net aansoek doen by almal.

Deur ‘n B.Com te gaan “swot” met OF Accounts OF Wet, bly ‘n goeie basiese graadkursus, maar mens sal moet spesialiseer. En dan soos Marietjie vertel, bou aan die ondervinding. Daar is wel ‘n paar wit CA’s wat nie huidiglik sommer net in Corporates aanvaar word nie. So dis beslis nie ‘n gegewe nie, en daar stem ek saam met Dm wat praat oor wees die beste. En ondervinding lei noodwendig na kennis wat gedeel kan word in die vorm van OF opleiding OF konsultasie werk, soos Betsie voorheen na verwys het.

Rustig is ook reg in die sin van indien jy wil iets gaan “doen” soos Sjef, waarom op dees aarde jou tyd mors met ‘n unigraad? En soos Boendoe vertel, die w^reld skree uit vir mense wat met hul hande kan werk – carpentry, loodgieter, elektrisiën, bouer ens ens ens. Soveel om van te kies.

Nou vir diegene wat nie ‘n passie het oor iets spesifieks nie, is ‘n “gap” jaar nie ‘n slegte ding nie. Om bietjie meer van die werklike lewe te gaan uitvind.

Maar wat mens ookal besluit om te gaan doen, doen daardie na die beste van jou vermoë en weet dan ook BAIE beslis dat in vandag se dae is NIKS “gecast in stone” nie en dat indien jy besef daardie keuses wat jy voorheen gemaak het, NIE die regte is nie, verbreed jou kennis en swaai na iets anders. Dis nooit te laat nie – ‘n vriendin se paps het op ouderdom 45 eers gekwalifiseer as ‘n CA en ‘n ander se Moeks op ouderdom 41 as n GP.

Belangrik soos Xena vertel dat mens wel moet lus hê vir wat jy doen en dan aanpasbaar moet wees.

En om hemelsnaam moet ouers nie HUL drome uitleef deur hul kinders nie. Daar IS immers psigometriese toetse wat gedoen kan word wat sal bepaal of die arme bloedjies “beans” moet tel vir die res van hul lewens as wat hul eerder die volgende Steven Spielberg kan word.

En kunstenaars en skrywers KAN ook goeie inkomste verdien – watter “bargain” want DIT kan jy enige plek ter w^reld beoefen.

Werk hard en “smart” en hê geesdrif!

Min of meer jul insae – DANKIE!! Jammer Dm – maar ek het nie tyd gehad om die ekstra BSc rigtings by te voeg nie – TOG is daar BESLIS plek vir spesialiste in daardie rigting ook!

Uitnodiging

Sammi — Wed, 04 Nov 2009 12:32:06 +0000

Smaak vir my dat die jonger garde meer positief is oor geleenthede in ons land. Want ek onthou hoe die Afrikaner (toe ook jonger garde) soos die Phoenix verrys het deur BAIE harde werk na die laat 1930’s. En daardie herinnering lê diep – so ja – ek glo werklik dat indien mens net WIL daar wel geleenthede vir ons is. Mens moet hierdie keer dalk net anders dink.

Maar my kop slaan bietjie vas by die ou professies asook besigheidsgeleenthede in ‘n beperkte rigting.

Gee biekie insette hier ouens en girls oor WAAR en HOE julle dink ons wel ‘n verskil kan maak. Waarop om te konsentreer, want soos Betsie en Girl noem, daar is ‘n legio klomp dinge wat daar buite lê

Aanpasbaarheid2

Sammi — Tue, 03 Nov 2009 08:54:03 +0000

Gisteraand sit ons aan tafel en praat oor werksgeleenthede vir ons as blankes in Suid-Afrika. Vir volwassenes uiteraard en laatlam haak af en sê “But that is ridiculous – how is this country going to survive if people in Government departments get appointed on the colour of their skin, nevermind their capabilities? – It is reversed apartheid!!”

En ek sê “No, it IS apartheid. Not reversed. It just is”

En hy skud sy kop in ongeloof en vra: “How do two wrongs make it right?”

Want nou word mense aangestel in posisies nommer 1 as Swart Vrou en Dalk, ja slegs DALK daarna sal ‘n swart man konsidereer word.

Maar ons het hierdie mos geweet, dat dit so blatant gemaak sou word. In almal se gesigte. Ten spyte van die feit dat infra-flippen-strukture uitmekaar val.

Vraag is: Hoe pas JY as ouer aan om jou kind nogsteeds te laat voel hy/sy het regverdige kanse in hierdie land?

En so praat God

Sammi — Mon, 02 Nov 2009 10:54:38 +0000

Soms Vers nr.	Is dit noodsaaklik om stil te wees, jouself oop te stel en na Hom te luister. Soms is dit nodig dat Hy jou lei deur jou direk na ‘n gedeelte in Sy woord te neem. Sodat jyself beter kan verstaan en groter insig kan kry. Spreuke 18
1	Die selfsugtige mens lewe net vir homself, hy verwerp alle oorlegpleging.
2	Die dwaas stel nie belang in insig nie, hy wil net sy eie opinie bekend maak.
3	Waar daar goddeloosheid kom, kom daar krenkende optrede, en saam met die belediging kom die skande.
4	Die woorde van ‘n mens kan diep waters wees, ‘n bruisende stroom, ‘n bron van wysheid.
5	Dit is nie goed om partydig te wees vir die skuldige en om die onskuldige sy reg te ontsê nie.
6	‘n Dwaas praat hom in ‘n rusie in, hy soek slae met wat hy sê.
7	‘n Dwaas se mond is sy ondergang, sy eie woorde is ‘n dodelike strik.
8	Skinderstories word gretig verslind; mense sluk dit so maklik.
9	Een wat nalatig is met sy werk en een wat alles afbreek, is tweelingbroers.
10	Die Naam van die Here is ‘n sterk vesting; die regverdige vind daar skuiling.
11	Die ryk man sien sy besittings as sy vestingstad, as ‘n hoë muur wat hom beskerm.
12	Op selfverheffing volg ineenstorting, op nederigheid eer.
13	Wie antwoord voor hy die vraag gehoor het, is dwaas en kom in die skande.
14	Moed laat ‘n mens sy lyding dra; as hy moed verloor het, kan niemand hom dit weer gee nie.
15	‘n Mens met insig doen kennis op; wyse mense hou hulle ore oop vir kennis.
16	‘n Geskenk maak vir ‘n mens die pad oop en gee hom toegang tot mense met mag.
17	Iemand wat in ‘n regsaak eerste praat, is altyd onskuldig, maar dan kom iemand anders en ondervra hom.
18	Deur ‘n beslissing van die Here te vra, kan rusies besleg en sterk mense uitmekaar gemaak word.
19	‘n Veronregte broer is ontoegankliker as ‘n vestingstad; rusie is soos die sluitbalk van ‘n fort.
20	Deur die regte woorde te gebruik, kan ‘n mens sy honger stil, hy kan genoeg kry om te eet deur wat hy sê.
21	Die tong het mag oor dood en lewe; dié wat lief is om te praat, sal die gevolg dra.
22	Wie ‘n vrou kry, vind geluk en geniet die goedheid van die Here.
23	‘n Arm mens pleit, ‘n ryke antwoord skerp.
24	Maats kan jou breek, maar daar kan ook ‘n vriend wees wat nader is as ‘n broer.

Vraag 2

Sammi — Thu, 29 Oct 2009 14:20:17 +0000

Gaan oor blogs.

Gestel mens is die eienaar/administrateur van ‘n blog en jy laat mense toe om “anonymous” posts daar te gaan plaas. Om oor dinge te gaan bieg. En oppe dag LANK nadat hierdie spesifieke blog dormant is, kom die administrateur op ‘n post af wat marrakkas kan veroorsaak. En sy besluit om een betrokkene te kontak en te vertel daarvan, maar syself word ook geimpliseer en hierdie post is hoogs toksies maar die skrywer is anoniem….

Sal wordpress ‘n IP adres aan die administrateur gee in lig van die feit dat hierdie laster is?

Vraag 1

Sammi — Wed, 28 Oct 2009 05:46:10 +0000

Jip, ek gaan nie meer hier speel nie. Ek wil nou omswaai na Demoerin se Waaroor ek Wonder.

En vraag 1 is: Waaroor gaan die lewe?

Is jy in ‘n kategorie?

Sammi — Mon, 26 Oct 2009 05:39:18 +0000

In watter kategorie blogger (woeraar) val jy?

1) Ek skryf ‘n dagboek vir myself en my gesin, familie en vriende?

2) Ek skryf oor my hond, my kat, my lewe en my liefie?

3) Ek skryf vir erkenning/populariteit?

4) Ek skryf want die Afrikaner se stem is stilgemaak en dis ‘n uitlaatklep?

5) Ek skryf want ek wil ‘n verskil in iemand se lewe maak?

WAT het ek uitgelos? Hoekom skryf JY? Want vir watter rede ookal, glo ek elke blogger is hier vir een. En daardie rede behoort respekteer te word en toegelaat te word om te kan groei.

En ek hou regtig baie van Bierpens se idee oor van die tags te standardiseer – DIT kan beslis werk. Ons IS immers almal inherent Afrikaans-sprekendes.

En ons IS immers hier om gehoor te word. Deur wie ookal.

Ankoren se Melodie van ‘n tronkdeur

Sammi — Thu, 22 Oct 2009 04:19:05 +0000

….. Die lewe gee ons ‘n skoon blad met musiekbalke en ‘n hele toonleer note, wat jy speel en hoe jy sing is elkeen se eie keuse en uitdaging.

My man vertel vir my dat musiek uit diep, diep emosie gebore word. Ek nooi jou kom luister saam met my na die melodieë, wat oral om my eggo, wyl ek vir jou gunstelinge uit my musiekrak speel: – laatnag deur my elektroniese posbus: ” is dit wat werklik saak maak jou gesin en baie van ons dom mense vind dit eers uit as ons dit verloor..” Onder die Jakaranda boom langs die hof die volgende dag het ek weer aan die woorde gedink en aan Jinx wat sing in Jakaranda strate: die spore na geluk loop in sirkels en draaie en lei my weer terug na die huis. Maar uit my CD-rak haal ek die Second Waltz… – “Moeder Natuur het my in die katabasis afgesleep” “ek worstel, dit gaan nie goed met my nie” Luister na die Stradivarius as die Wolga lied speel. Dit is die lied van ‘n eensame soldaat, ‘n song vir alle eeue.

As mens lief is vir klassieke musiek is daar niks op aarde wat tegelyker tyd vreugde en seer kan spel soos ‘n viool nie. Tog interessant, dat die weëklank van grootse treurigheid sielsmusiek altyd soet maak. Soos ‘n tronkdeur se klap kan dit jou bring by die besef van wat werklik saak maak. Van Marcus Aurelius se Meditasies lees die een: “Jou sielesfeer bly getrou aan sy vorm as dit nie uitgerek word of ineenkrimp of verstrooi word of ineenstort nie.” En ‘n ander: ”Wat ook al met jou gebeur, dit is van ewigheidsher vir jou berei; die ingevlegtheid van oorsake het jou hele bestaan, en wat daar tydens gebeur, van ewigheid af in een kleed saamgeweef.” Net soos note en rustekens op ‘n notebalk. -……

Aan die leser, gaan lees hierdie stuk van Ankoren…

Baie dankie Anita, dat ek hierna mag verwys. Vir JOU en joune het ek net die grootste respek. Jy is ‘n voorbeeld

Somerset-Wes se grootste verkoop punt

Sammi — Wed, 21 Oct 2009 10:58:06 +0000

Gaan Maandag 19 Oktober 2009 na plaaslike (hoof) polisie-stasie om my vermiste selfoon te gaan aanmeld.

Saak nommer 10/10/2009

Wat beteken daar was slegs 10 kriminele sake aangemeld vir die hele Oktober tot en met die 19e.

Veiliger hier as meeste ander plekke in SA?